وبلىس ورتالىعىندا 1980 جىلدارى سالىنعان نىسانعا بيىل كۇردەلى جوندەۋ جاسالدى. سول كەزدەن بەرى «دينامو» سپورت كەشەنىندە بۇرىنعى ميليتسيا, قازىرگى پوليتسيا قىزمەتكەرلەرى جاتتىعاتىن ورىنعا اينالعان.
جوندەۋ جۇمىستارىنا وبلىستىق بيۋدجەتتەن 240 ميلليون تەڭگە بولىنگەن.
سپورت كەشەنىنىڭ اشىلۋىنا قاتىسقان وبلىس اكىمى بولات باقاۋوۆ جاڭارتىلعان سپورت كەشەنى پوليتسيا قىزمەتكەرلەرىنىڭ جاۋىنگەرلىك, دەنە جانە قىزمەتتىك دايارلىقتارىن ارتتىرۋعا, سپورتتىق جارىستاردا پوليتسەيلەردىڭ دايارلىقتارىن ارتتىرۋعا ارنالعانىن ايتىپ ءوتتى
ەندى سپورتتىق كەشەن كۇنىنە قالا تۇرعىندارى دا, مەكتەپ وقۋشىلارى بار 500-دەي ادامدى قابىلداي الادى.
قۇقىق قورعاۋ ورگاندارىنىڭ قىزمەتكەرلەرى سپورتپەن اينالىسىپ, ءتۇرلى جاتتىعۋلار جاساۋعا مۇمكىندىكتەرى بار. توتەنشە جاعدايلار دەپارتامەنتىنىڭ دە وقۋ-جاتتىعۋ زالدارى بار.
كەشەندە شاعىن-فۋتبول الاڭى باسكەتبول جانە ۆولەيبول, سامبو, جاتتىعۋ جانە تەننيس زالى, قىزدارعا ارنالعان فيتنەس زالى بار.
تۇڭعىش پرەزيدەنت كۇنى وبلىستىق ىشكى ىستەر دەپارتامەنتىنىڭ 600 قىزمەتكەرى 2050 قاشىقتىقتى جۇگىرىپ ءوتتى.
بۇل كۇنى 150-دەن استام پوليتسيا قىزمەتكەرى ماراپاتتالدى.
سپورت كەشەنىنىڭ اشىلۋىنا سيدنەي وليمپياداسىنىڭ چەمپيونى, ءماجىلىس دەپۋتاتى ولگا شيشيگينا, جەرلەسىمىز, ناگانودا وتكەن قىسقى ويىندار وليمپياداسىنىڭ جۇلدەگەرى ليۋدميلا پروكاشەۆا قاتىسىپ, پوليتسيا قىزمەتكەرلەرىن وسىنداي ءساتتى مۇمكىندىكتەرىمەن قۇتتىقتاپ, جەتىستىكتەرگە جەتۋگە تىلەكتەستىك ءبىلدىردى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن ۆالەري بۋگاەۆ